Сүт безінің майлы қабатының некрозы – әртүрлі жарақаттан кейін болатын көкіректің майлы ұлпаларының ошақты өлі еттенуі.
Сүт безінің майлы некрозы (олеогранулеа, липогранулема, стеатогранулема) ферменттік емес некрозыға жатады, яғни, әдетте некроз әртүрлі жарақаттардан пайда болады.
Жарақаттаушы факторлар ретінде соғып алу, соққы алу, медициналық манипуляциялар, спорт жаттығулары және т.б. болуы мүмкін. Сирек жағдайда майлы некроз жылдам салмақ тастаудан және сәуле терапиясынан кейін пайда болады. Кей жағдайларда майлы некроз мастэктомиядан кейін маммопластика жасатқан науқастарда кездеседі.
Сипмтомдары:
- Көзбен шолғанда және пальпация кезінде көкіректе бұдыр түйіндер байқалады. Ем қолданбаған жағдайда көлемі үлкейеді.
- Дене қызуының көтерілуі, қалтырау
- Түйін пайда болған жер ыстық, қызыл түсті келеді. Қатты және ауырады, тері тығыз келеді.
- Некроз ошағының пайда болған жерде локальді сезімталдық жоғалады.
- Жақын жатқан лимфалық түйіндер қабынады
- Көкіректің, емшектің пішіні өзгереді
- Сүт безінен ірің бөлінеді
- Асқынған түрінде іріңді жара мен жарылу (сызат) пайда болады.
Диагностика
Майлы некроз кезінде науқас төмендегі медициналық тексерулерден өтеді:
МРТ (магнитті-резонансты томография).
Эхографикалық анализ.
Рентгенді және ультра дыбысты мониторингті көкіректің биопсиясы
Цитологиялық және гистологиялық пункциялық талдауы
Емдеу
Сүт безінің май некрозы хирургиялық жолмен (секторлық резециямен) емделеді. Ауру асқынған түрінде көкіректі түгелімен кесіп алып тастауы мүмкін.
Отадан кейін қабынудың асқынбауы үшін науқасқа дәрі-дәрмек көрсетіледі. Сонымен қатар, қайта қалыпқа келу үшін физиопроцедуралар көрсетілген.
Профилактика
Отадан кейін дәрігердің кеңесі бойынша дәрі-дәрмек қабылдау, дәрігердің бақылауында болу.
