Көмекей безінің қабынуы

«Таңдай безі» мен «аденоидтің» бар екенін көпшілігіміз бала кезімізден білеміз. Олар туралы айта отырып, таңдай және жұтқыншақ бездерін ескеріп отырады (сонымен бірге олардың ұлғаюы).

Көмекей безі не үшін қажет?

Көмекей бездері немесе бадамша бездері иммундық жүйенің мүшесі болып табылады. Олар алғашқы болып ауызға немесе тыныс алу жолы арқылы мұрынға түскен ауру тудырушы микроорганизмдерді күтіп алып, жұқтырудан сақтайды (тырысады десек артық емес). Алайда, нәтижеде көмекей бездері өздері инфекциялардан зардап шегетін кез аз емес – өздері қабынып (ангина, аденоидит, тонзиллит) және көлемі ұлғаяды (І, ІІ, ІІІ сатыдағы аденоид).

Аденоид қаупі

Аденоидтер, немесе дұрысы – аденоидті өсіп-даму – жұтқыншақ бездерінің негізін құрайтын лимфалық тін өскіні. Бұл көбінесе 3 жастан 7 жасқа дейінгі балаларда жиі кездеседі. Аденоид салдары көптеген проблемаға ұшыратады: жиі суық тиіп ауыру, құлақтың қабынуынен есту қабілетінің нашарлауына дейін, сөйлеу бұзылысы, оқу үлгеріміндегі мәселелер. Сондықтан да дәрігерлер көмекей безінің белшілі бір мөлшерде ұлғаю жағдайында оны алып тастауға кеңес береді.

 Көмекей безі қабынуының салдары қандай?

Таңдай безінің өткір қабынуы – ангина – балалардағы секлді, ересектерде де пайда болуы мүмкін. Баспа (ангина) болуы мүмкін деген күдік болған жағдайда (жұтқыншақтың қатты ауыруы, дене қызуының көтерілуі) міндетті түрде терапевт дәрігерге немесе ЛОР дәрігерге қаралу қажет. Дұрыс және уақытылы диагноз қоя білу өте маңызды. Баспа да соңы түрлі асқынуларға ұшыратуы мүмкін кесел, асқынып кетсе созылмалы формаға (тонзиллит) айналуы ғажап емес.