Гемеролопия немесе ақшамсоқырлық – ақшамда, тәуліктің қараңғы уақытында көздің нашар көргіштігі.

Ақшам соқырлықтың пайда болу себептері:

Ақшамсоқырлықтың тума, эссенциалды және симптоматикалық түрлері бар.

Бірінші түрінде ақшамсоқырлық туқымқуалау арқылы беріледі. Ал эссенциалды ақшамсоқырлық «А» дәруменінің жетіспеушілігінен пайда болады. Симптоматикалық ақшамсоқырлық көз торының немесе көру нервісінің зақымдануынан  болады( көз торының дистрофиясы, су қараңғылық,хориоретиниттер, асқынған жақыннан көргіштік) .

Симптомдар:

Науқас ақшам уақытында нашар көргіштікке, қараңғыда соқырлыққа шағымданады.

Медициналық тексеру:

– визометрия

– периметрия

– офтальмоскопия

– адаптометрия

– электроретинография

– симптоматикалық ақшамсоқырлықты анықтау үшін қолданатын әртүрлі тексеру құралдары (рефрактометрия, тонография, офтальмоскопия, Гольдман линзасымен тексеру, оптикалық когерентті томография и т.б)

– гастроэнтерологтың  консультациясы ( ағзадағы «А» діруменінің жетіспеушілігін анықтау)

Емдеу:

Тума болған ақшамсоқырлық емдеуге келмейді.

Симптоматикалық ақшамсоқырлықты туғызған ауруды емдеу.

Эссенциалды ақшамсоқырлықта «А» дәруменін қабылдау және диета ұстау. Ақшамсоқырлықтың бұл түрі толық жазылады.